स्वप्नात फक्त आता

स्वप्नात फक्त आता इमले रचायचे का? त्यालाच आठवूनी आम्ही जगायचे का? केलाय यज्ञ आम्ही सौख्यास प्राप्त करण्या समिधा सवेच आता हवनी जळायचे का? धमन्यांत जिद्द आहे युद्धास जिंकण्याचे मित्रास पाहता मी समरा हरायचे का? बघ सोडला किनारा मी आज ओळखीचा घाबरुन वादळाला मागे फिरायचे का? हसण्यात गम्य नाही अश्रूंत ओल नाही खोटेच हे मुखवटे बघुनी हसायचे का? ...........सुरजकुमारी Shared with https://goo.gl/9IgP7

चांदण्याला भार झाले

चांदण्याला भार झाले .. चांदण्यांना भार झाले सावल्यांचे आज आहे रोखते मी अश्रु सारे वेदनांचे आज आहे हातहाती घेवुनी होतास कावा साधला तू शोधले मी फार आता ते पुरावे आज आहे गोठले रे अश्रु माझे तू मनाशी खेळताना आठवांनी न्हाहते मी का दुरावे आज आहे शेवटाचे स्वप्न माझे एकदाचा तू दिसावा देह जळताना सख्या रे शांत चीता आज आहे जीवघेणा खेळ पुन्हा तोच का खेळायचा रे? ठरवले मनसोक्त जगणे धुंद जीवन आज आहे. ...........सुरजकुमारी गोस्वामी हैद्राबाद Shared with https://goo.gl/9IgP7

गुरूजी

*गुरूजी* तुम्ही घडविले ॥ कुभांर होऊन ll आकार देऊन ॥ मातीस ह्या ॥ तुमच्यासारखे ॥ लाभे गुरूजन॥ आम्ही हो दगड॥ होतो जेव्हा ॥ तुम्ही आयुष्याला ॥ लावले वाटेस॥ दिली पामरास ॥ दानविद्या चिखलास दिले॥ कमळाचे दान ॥ मज अभिमान ॥ तुमचा हो ॥ फेडू कसे ऋण ॥ गुरूदेवा आता ॥ हे भाग्य विधात्या॥ नमो तुला॥ शिकवण तुझी ॥ आज आठवूनी॥ माथा चरणाशी॥ ठेवलामी॥ .,........सुरजकुमारी गोस्वामी हैद्राबाद Shared with https://goo.gl/9IgP7