जन्मते कुठे, मरते कुठे स्री जन्मा तुझी कहाणी आयुष्य जणू खळाळते पाटात वाहणारे पाणी .. जन्मताच मुलगी बापाला लागली हुंड्याची काळजी माय सांगे जपुन ठेव पाऊल तुला जायचे दुसऱ्या घरी *स्री जन्मा तुझी कहाणी....* लेक होता षोडशी लागते हात पिवळे करायची घाई सोडुन माहेर होते तीची परक्या सासरी रवानगी *स्री जन्मा तुझी कहाणी.* सगळे काही नवीन तरी प्रेमाने जपते सारी नाती कधी सून भावजय होऊन तर ती कुणाची सहचरणी *स्री जन्मा तुझी कहाणी...* दोन्ही घरची लाज राखण्या खडतर प्रवास असतो तो जन्म घेऊन एका ठिकाणी संसार करी दुस-या ठिकाणी *स्त्री जन्मा तुझी कहाणी...* शल्य सारे हृदयी ठेऊनी कधी जळून हुंड्या साठी आईबाबाची लाज राखुनी जळते राख मागे ठेऊनी *स्री जन्मा तुझी कहाणी.* आजन्म ठेवून मनी वेदना माहेरवाशीण लाडकी लेक जगते सासरवाळी निमूट दावणीला झुंपल्यासारखी *स्री जन्मा तुझी कहाणी...* ..........सुरजकुमारी गोस्वामी हैद्राबाद Shared with https://goo.gl/9IgP7